فوازير موز

موضوع: فوازير موز السبت فبراير 16, 2008 10:31 am

ايه عكس زمان؟
the woman

ايه عكس نجوم؟
نجعد

ايه عكس كونكريت؟
لا تكن كريت

ايه عكس تلميذات؟
don't tell me that

ليه الكاسيت مبيخلفش؟
علشان بنحطلوا شريط

ليه الكتكوت مش بيعرف يكدب على الفرخة؟
علشان هى اللى فقساه

بيضة وقعت من الدور العاشر متكسرتش ليه؟
ربنا ستر

طب بيضة وقعت من على برج متكسرتش ليه؟
وقعت على الحته المغسولة بمعجون كرست

ليه القطر بيقف قدام الأجخزانات؟
علشان القطرة تطلعله

ليه القطر بيقف؟
علشان مبيعرفش يقعد
طب ليه بعد كده بيمشى؟

علشان زهق من الوقفة

ممكن تقولى 6 فروق بين البطة و الوزة؟
احنا بنستغطى ببطانية بس مش بنستغطى بوزانية
احنا بنبلبط فى البحر بس مش بنوزوز فيه
فى ناس بتحلق زلبطة بس مفيش ناس بتحلق زلوزة
كان فى رحالة اسمه بن بطوطة بس مفيش رحالة اسمه بن وزوزة
الوزة كانت زمان بطة بس الشيطان وزها
البطة كانت زمان وزة بس حد قعد عليها بطها

طب ممكن تقوللى 4 فروق بين النملة و الفيل؟
احنا بناكل سمك فيليه بس مش بناكل سمك نمليه
عندنا فى البيت نملية بس معندناس فيليه
الفيل ممكن يتملى نمل بس النملة مش ممكن تتملى فيلة
you can feel but you can't namla

طب واحد نام متأخر صحى بدرى ليه؟
عنده شغل

طب ممكن تحط زرافة فى الثلاجة على 3 خطوات؟
افتح الثلاجة
احط الزرافة
اقفل الثلاجة

طب حط فيل على 4 خطوات؟
افتح الثلاجة
اشيل الزرافة
احط الفيل
اقفل الثلاجة

طب الأسد عامل حفلة كل الحيوانات جت الا حيوان واحد مين؟
الفيل اللى فى الثلاجة

طب واحد عايز يعدى بحيرة التماسيح يعديها ازاى؟
عوم علشان التماسيح فى الحفلة

طب طيارة محملة بأجهزة كهربائية و لازم ترمى اتقل جهاز ترمى ايه؟
الثلاجة اللى فيها الفيل

طب واحد بيعوم فجأة مات ليه؟
الثلاجة اللى فيها الفيل وقعت عليه